بغیر وضو کے عمرہ کرنے کا حکم

السلام علیکم ورحمۃ اللہ وبرکاتہ!
کیا وضو کرنا عمرے کے لیے شرط ہے ؟
اگر کسی نے بے وضو ہونے کی حالت میں عمرہ ادا کیا تو اس کا عمرہ ہو جائے گا یا کوئی دم وغیرہ لازم ہوگا؟

اَلجَوَابْ بِاسْمِ مُلْہِمِ الصَّوَابْ

واضح رہے کہ طواف کے لیے وضو کرنا واجب ہے ، لہذا جس شخص نے بغیر وضو کے عمرے کا طواف کر لیا تو وہ جب تک مکہ میں موجود ہے، وضو کرکے طواف کا اعادہ کرلے، لیکن اگر بغیر اعادہ کے وطن واپس لوٹا تو اس صورت میں تو ترکِ واجب کی وجہ سے اس پر بطور دم ایک بکری واجب ہوگی، جو حدود حرم میں ذبح کی جائے گی اور اس کا عمرہ ادا ہوجائے گا اور اس پر واپس مکہ مکرمہ جانا لازم نہیں ہوگا۔

حوالہ جات

*الهندية: (1/ 247،ط:دارالفکر)*
إذا ‌طاف ‌للعمرة ‌محدثا أو جنبا فما دام بمكة يعيد الطواف فإن رجع إلى أهله ولم يعد ففي المحدث تلزمه الشاة وفي الجنب تكفيه الشاة استحسانا هكذا في المحيط.

*المحيط البرهاني: (2/ 464دار الكتب العلمية)*
إذا ‌طاف ‌للعمرة ‌محدثا أو جنبا، فما دام بمكة يعيد الطواف ركن في العمرة كطواف الزيارة في الحج، فإن رجع إلى أهله ولم يعد، ففي المحدث يلزمه البدنة، وفي الاستحسان يكفيه؛ لأنه لا مدخل للبدنة في العمرة إلا أن المعتمر لو جامع قبل الفراغ من العمرة لا يلزمه بدنه، بخلاف الحاج إذا جامع.