عضو هيئة كبار العلماء
السؤال
السلام علیکم ورحمۃاللہ وبرکاتہ! اگر کوئی شخص کسی گروپ میں سلام کرے، لکھ کر یا صوتی۔۔ تو کیا اس کا جواب دینا واجب ہے؟
اَلجَوَابْ بِاسْمِ مُلْہِمِ الصَّوَابْ
موبائل میسج یا واٹس ایپ گروپ پر موصول ہونے والے سلام کا جواب دینا شرعاً واجب ہے، خواہ وہ زبان سے دیا جائے یا تحریری پیغام کے ذریعے، اگر کوئی شخص سلام سن کر فوراً زبان سے جواب دے دے تو اس کا واجب ادا ہو جاتا ہے، چاہے سلام بھیجنے والا موجود نہ ہو اور اس کو جواب سنانا بھی ضروری نہیں، اسی طرح جواب کو ریکارڈ کر کے بھیجنا بھی لازم نہیں، البتہ بہتر یہ ہے کہ جواب میسج کے ذریعے بھی دے دیا جائے، تاکہ سلام کرنے والے کی دلجوئی بھی ہو جائے ۔
*الدرالمختار:(415/6،ط: دارالفكر)* ويجب رد جواب كتاب التحية كرد السلام. ولو قال لآخر: أقرئ فلانا السلام يجب عليه ذلك. *الشامية:(415/6،ط: دارالفكر)* (قوله ويجب رد جواب كتاب التحية) لأن الكتاب من الغائب بمنزلة الخطاب من الحاضر مجتبى والناس عنه غافلون ط. أقول: المتبادر من هذا أن المراد رد سلام الكتاب لا رد الكتاب. لكن في الجامع الصغير للسيوطي رد جواب الكتاب حق كرد السلام قال شارحه المناوي: أي إذا كتب لك رجل بالسلام في كتاب ووصل إليك وجب عليك الرد باللفظ أو بالمراسلة وبه صرح جمع شافعية؛ وهو مذهب ابن عباس وقال النووي: ولو أتاه شخص بسلام من شخص أي في ورقة وجب الرد فورا...
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)