ایک ملک میں سحری کی دوسرے ملک میں افطاری توافطاری کےوقت میں کس ملک کامعتبر ہوگا؟

اگر کوئی روزے دار امارات سے پاکستان سفر کر رہا ہو، امارات سے فلائٹ ساڑھے تین بجے چلے اور پاکستان کے وقت کے مطابق شام چھ بجے یا سات بجے پہنچے تو وہ افطار کس ملک کے وقت کے مطابق کرے؟ امارات کے وقت کے مطابق یا پاکستان پہنچ کر غروبِ آفتاب کے بعد؟

اَلجَوَابْ بِاسْمِ مُلْہِمِ الصَّوَابْ

واضح رہے کہ جس مقام پر روزے دار موجود ہو، اسی مقام کے غروبِ آفتاب کے اعتبار سے افطار کرے گا، لہذا پوچھی گئی صورت میں اگر آپ امارات سے روانہ ہو کر پاکستان پہنچیں اور پاکستان پہنچنے کے وقت سورج غروب ہوا تو آپ پاکستان کے وقت کے مطابق افطار کریں گے، نہ کہ امارات کے وقت کے مطابق۔

حوالہ جات

*صحيح البخاري: (3/ 36،رقم ا؛لحديث 1954،ط:دارطوق النجاة)*
حدثنا الحميدي : حدثنا سفيان : حدثنا هشام بن عروة قال: سمعت أبي يقول: سمعت عاصم بن عمر بن الخطاب ، عن أبيه رضي الله عنه قال: قال رسول الله صلى الله عليه وسلم: إذا ‌أقبل ‌الليل من ها هنا، وأدبر النهار من ها هنا، وغربت الشمس، فقد أفطر الصائم.

*مجمع الأنهر:(1/ 237،ط:داراحياءالتراث العربي)*
قال في خزانة الأكمل أهل إسكندرية يفطرون إذا ‌غربت ‌الشمس ولا يفطر من على منارتها؛ فإنه يراها بعد حتى تغرب له.