عضو هيئة كبار العلماء
السؤال
کیا فرماتے ہیں مفتیان کرام اس مسئلے کے بارے میں کہ دو بندے قران کریم یاد کرتے ہیں اور وہ آیت سجدہ کو یاد کرنے کے لیے بار بار دہراتے ہیں جس کو وہ دونوں سن رہے ہوتے ہیں ۔ اب پوچھنا یہ ہے کہ اس صورت میں کتنےسجدۂ تلاوت لازم ہوں گے ؟
اَلجَوَابْ بِاسْمِ مُلْہِمِ الصَّوَابْ
واضح رہے سجدہ ٔ تلاوت میں مجلس کا اعتبار ہے اگر ایک ہی مجلس میں متعدد بار ایک آیت کو پڑھی جائے یا سنی جائے تو ایک ہی مرتبہ سجدہ تلاوت واجب ہوتا ہے ،البتہ اگر مجلس مختلف ہو تو ہر مجلس کے اعتبار سے الگ الگ سجدہ کرنا ہوگا ۔ پوچھی گئی صورت میں دونوں ایک ہی مجلس میں ایک ہی آیت کو دوہرا رہے ہیں ،تو ایسی صورت میں ایک ایک سجدہ ہی ان پر لازم ہوگا ۔
الهندية: (1/ 134، ط: دارالفكر) واعتبر تبدل المجلس دون الإعراض حتى لو قال: لا أقرأ ثانيا ثم قرأ في مجلسه كفته سجدة ويتكرر في تسدية الثوب والدياسة وكرب الأرض، هكذا في الكافي، وفي الانتقال من غصن إلى غصن في أصح الأقوال، هكذا في المضمرات.
واللہ تعالی اعلم بالصواب
دارالافتاء جامعہ دارالعلوم حنفیہ (نعمان بن ثابت)
دارالافتاء جامعہ دارالعلوم حنفیہ (نعمان بن ثابت)