تسخیر نفس کا حکم

واضح رہے کہ کسی انسان یا جن کو سحر، غیر شرعی عزائم، شرکیہ کلمات یا شیاطین سے استعانت کے ذریعے مسخر کرنا شرعاً نا جائز ہے اور بعض صورتوں میں کفر و شرک تک پہنچ جاتا ہے۔ اسی طرح ارواحِ مشائخ کو حاضر کرنے، انہیں اپنے قابو میں لانے یا ان سے غیب کی خبریں حاصل کرنے کا دعویٰ باطل اور گمراہی ہے، البتہ اپنے نفس کی اصلاح و تزکیہ، اسے خواہشاتِ نفسانی سے بچانے اور شرعی احکام کا پابند بنانے کی کوشش مستحسن اور مطلوبِ شرع ہے۔ رہا مسئلہ دم، تعویذات اور عملیات کا تو قرآنی آیات، اسماءِ حسنیٰ اور مسنون دعاؤں کے ذریعے دم کرنا اور علاج یا دفعِ ضرر کے لیے شرعی حدود کے اندر جائز عملیات و تعویذات اختیار کرنا درست ہے، بشرطیکہ ان میں کوئی شرکیہ یا ناجائز عمل شامل نہ ہو اور عقیدہ یہ ہو کہ حقیقی مؤثر صرف اللہ تعالیٰ کی ذات ہے۔ جو دم اور تعویذات شرکیہ کلمات، غیر اللہ سے استعانت یا مجہول المعنی الفاظ پر مشتمل ہوں، وہ ناجائز ہیں۔ قرآن و حدیث سے ثابت دم کے جواز میں اختلاف نہیں، جبکہ قرآنی آیات یا اسماءِ الٰہی پر مشتمل ایسے تعویذات جو نصوص سے صراحتاً ثابت نہ ہوں، ان کے جواز میں اہلِ علم کا اختلاف ہے، جمہور اہلِ علم کچھ شرائط کے ساتھ اس کے جواز کے قائل ہیں۔ تاہم کسی جائز دم یا تعویذ کو غلط عقیدے یا ناجائز مقصد کے لیے استعمال کیا جائے تو وہ بھی ناجائز ہو جاتا ہے، لہٰذا ناجائز عملیات کی وجہ سے تمام جائز دم، تعویذات اور عملیات کی مطلقاً ممانعت کرنا بھی درست نہیں۔

القرآن الکریم:(النازعات 79:40) {وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى فَإِنَّ الْجَنَّةَ هِيَ الْمَأْوَى} صحيح مسلم: (7/ 19،ط:دار طوق النجاۃ) 64 - (2200) باب لا بأس بالرقى ما لم يكن فيه شرك حدثني أبو الطاهر ، أخبرنا ابن وهب ، أخبرني معاوية بن صالح ، عن عبد الرحمن بن جبير ، عن أبيه ، عن عوف بن مالك الأشجعي قال: « كنا نرقي في الجاهلية، فقلنا: يا رسول الله، كيف ترى في ذلك؟ فقال: اعرضوا علي رقاكم، لا بأس بالرقى ما لم يكن فيه شرك . ردالمختار :(4/ 240،ط:دارالفکر) وأما الكاهن، فقيل هو الساحر، وقيل هو العراف الذي يحدث ويتخرص، وقيل من له من الجن من يأتيه بالأخبار. وقال أصحابنا: إن اعتقد أن الشياطين يفعلون له ما يشاء كفر... ایضاً :(4/ 242) وفي التتارخانية: يكفر بقوله أنا أعلم المسروقات أو أنا أخبر عن إخبار الجن إياي اهـ. البحر الرائق: (5/ 134،ط:دار الكتاب الإسلامي) وفي البزازية قال علماؤنا من قال أرواح المشايخ حاضرة تعلم يكفر ومن قال بخلق القرآن فهو كافر.