فاسق امام کے پیچھے پڑھی گئی نمازوں کا حکم

مفتی صاحب!
میرا بیٹا امریکہ میں ہے، ان کا امام اس تیل کی تلی ہوئی مچھلی کھاتا ہے جس تیل میں خنزیر کے گوشت کو تلا جاتا ہے اس نے پوچھا ہے کہ میری پڑھی گئی نمازوں کا کیا حکم ہے ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ جس تیل میں خنزیر کا گوشت تلا جائے وہ تیل ناپاک ہو جاتا ہے، ایسے تیل میں پکا ہوا کھانا، کھانا جائز نہیں، لہذا جو امام ایسے تیل میں تلی ہوئی چیزیں کھاتا ہے، وہ فاسق ہے اور فاسق کی امامت مکروہِ تحریمی ہے، ایسے شخص سے دینی امور میں احتیاط کی توقع نہیں ہوتی، تاہم اگر اس کے پیچھے نماز پڑھ لی جائے تو وہ ادا ہو جاتی ہے، دوبارہ پڑھنے کی ضرورت نہیں، بہتر یہ ہے کہ باعمل اور صالح عالم کی اقتدا کی جائے، لیکن اگر ایسا ممکن نہ ہو تو جماعت سے علیحدہ نماز پڑھنے کے بجائے اسی امام کے پیچھے نماز پڑھ لینی چاہیے۔

حوالہ جات

*الأشباه والنظائر : (ص:93-94،ط: دار الكتب العلمية)*
‌‌القاعدة الثانية: إذا اجتمع الحلال والحرام غلب الحرام... ومنها: لو اختلط ودك ‌الميتة ‌بالزيت ونحوه لم يؤكل إلا عند الضرورة.

*الدر المختار:(77/1،ط: دارالكتب العلمية)*
(ويكره) تنزيها (إمامة عبد) ولو معتقا قهستاني.عن الخلاصة،ولعله لما قدمناه من تقدم الحر الاصلي، إذ الكراهة تنزيهية فتنبه (وأعرابي) ومثله تركمان وأكراد وعامي (وفاسق وأعمى) ونحوه الاعشى.نهر (إلا أن يكون) أي غير الفاسق (أعلم القوم) فهو أولى (ومبتدع) أي صاحب بدعة.

*الشامية:(560/1،ط: دارالفكر)*
وأما الفاسق فقد عللوا كراهة تقديمه بأنه لا يهتم لأمر دينه، وبأن في تقديمه للإمامة تعظيمه، وقد وجب عليهم إهانته شرعا.

*الهندية:(84/1،ط: دارالفكر)*
ولو صلى خلف مبتدع أو فاسق فهو محرز ثواب الجماعة لكن لا ينال مثل ما ينال خلف تقي. كذا في الخلاصة.