کمیٹی وصول کرنے کے بعد اس پیسوں پر زکوۃ کا حکم

السلام علیکم ورحمۃ اللہ وبرکاتہ مفتی صاحب!
ایک سوال پوچھنا تھا کہ کسی شخص نے کمیٹی ڈالی تھی اس کے تیس لاکھ روپے نکلے اب وہ زکوٰۃ کس حساب سے ادا کرےگا ؟اور کیا باقی قسطیں جو دینی ہیں وہ سب قرض شمار ہوں گی یا جو قسطیں اس سال دینی ہیں وہ صرف وہی قرض شمار ہوگی ؟

اَلجَوَابْ بِاسْمِ مُلْہِمِ الصَّوَابْ

واضح رہے کہ اگر کوئی شخص کمیٹی وصول کرچکا ہو اور وہ صاحبِ نصاب بھی ہو تو زکاۃ ادا کرتے وقت اپنے پاس موجود مجموعی رقم میں سے آئندہ ایک سال کی باقی رہ جانے والی قسطوں کی رقم مجموعی رقم سے منہا کرے، اس کے بعد جو رقم باقی بچے، اگر وہ نصاب کو پہنچتی ہو تو اس کی زکاۃ ادا کرنا لازم ہوگا۔

حوالہ جات

*الدرالمختار:(126/1،ط: دار الفكر )**
(وسببه) أي سبب افتراضها (ملك نصاب حولي) نسبة للحول لحولانه عليه (تام) ... (فارغ عن دين له مطالب من جهة العباد) ... (و) فارغ (عن حاجته الأصلية) لأن المشغول بها كالمعدوم ... (نام ولو تقديرا) بالقدرة على الاستنماء ولو بنائبه.

*الشامية:(303/2،ط:دارالفكر)*
(وقيمة العرض) للتجارة (تضم إلى الثمنين) لأن الكل للتجارة وضعا وجعلا (و) يضم (الذهب إلى الفضة) وعكسه بجامع الثمنية (قيمة) وقالا بالإجزاء، فلو له مائة درهم وعشرة دنانير قيمتها مائة وأربعون تجب ستة عنده وخمسة عندهما.

*بدائع الصنائع:(19/2،ط:دار الكتب العلمية)*
فأما إذا كان له الصنفان جميعا فإن لم يكن كل واحد منهما نصابا بأن كان له عشرة مثاقيل ومائة درهم فإنه يضم أحدهما إلى الآخر في حق تكميل النصاب عندنا.